Jèp de Montoya: ‘Ei absurd qu’ajam de renonciar ara legitimitat dera natura’

  • Entath president der Institut d'Estudis Aranesi er atac deth govèrn espanhòu ar occitan ei un atac a totes es lengües petites, minoritaries

VilaWeb
Redacció
05.08.2011 - 06:00

La premsa lliure no la paga el govern, la paguen els lectors


Fes-te de VilaWeb, fem-nos lliures

Eth recors deth govèrn espanhòu ei excessiu e totauments dehòra de lòc. Ua lengua, coma er espanhòu, damb quate cents milions de parlants, non pòt senter-se menaçada.  Qu’ara se volguer  negar era legitimitat de quate mil persones  qu’ena Val d’Aran parlam era lengua qu’auem  parlat tostemp ei absurd.  Ei absurd que mos calgue renonciar ara legitimitat de çò qu’ ei  naturau, que tostemp a estat  pr’amor qu’ei ua causa intrinseca ara persona a exprimir-se ena sua lengua atau coma sent.

Apui  entièraments er acòrd qu’a prenut eth plen deth Conselh  Generau d’ Aran, qu’a agut eth supòrt dera Generalitat de Catalonha, damb era preséncia deth conselhèr de Cultura. Cau díder ath govèrn espanhòu, damb totes es veus possibles, que se confon e qu’aquerò que li cau hèr ei  potenciar es lengües més desfavoreshudes que tamben son patrimòni der estat.  Espanha en sòn moment signèc  era Carta Europèa des Lengües Minoritàries, donc damb aqueri principis e aquera filòsofia aurie de manifestar-se.  En aguesti moments se vòlen veir hantaumes a on non n’i a.  Çò de més  normau  ei qu’ un aranés que s’adrece ath sòn ajuntament o ath Conselh Generau  pogue hè’c damb tota era preferéncia ena sua lengua.

E entà qu’ arrés non le capie cap de  dobte, èm disposadi a explicar-l’ac, sigue a qui sigue e aon sigue e ena  lengua que sigue. E non desbrembesquem  qu’er occitan ei oficiau en tota  Catalonha, segons er estatut deth 2006. Donques, era Generalitat tanben i a ua responsabilitat e er atac deth govèrn espanhòu non ei solament un atac en Aran, mès ei un atac as lengües deth mon, e eth particular a tot eth territòri d’administracion catalana.

Era definitiva, ei ridicul qu’ara ataquen eth dret naturau des aranesi d’emplegar era sua lengua.

 

Jèp de Montoya, president der Institut d’Estudis Aranesi 

(Comentari recuelhut via telefonica entara redaccion de VilaWeb)

Recomanem

La premsa lliure no la paga el govern. La paguem els lectors.

Fes-te de VilaWeb, fem-nos lliures.

Fer-me'n subscriptor
des de 75€ l'any