VilaWeb TV: Anem Òc!, manifestacion massiva per la lenga occitana

Mai de 25.000 manifestants se rencontrèron dissabte a Carcassona, convocats per Anem Òc!. En aquela manifestacion (vídeo de VilaWeb TV), la pus granda jamai realisada en defensa de la lenga occitana (dins l’escòla, los mejans e la vida publica), i participèron gents de tot l’espandi occitan e, quitament, mai de 200 catalans. Entre los participants, i aviá atanben un grop important d’elegits de partits divèrses, que se manifestèt obèrtament e amassa per la lenga d’òc.Los manifestants percorreguèron lo centre de la vila fins a montar denaut la Ciutat, la fortalesa medievala, ont se faguèron los discorses e ont s’interpretèron mantunas cançons. Finalament, tot lo mond cantèt ‘Se canta’, l’imne occitan.

Lo video de VilaWeb TV vos permet d’escotar de declaracions del president de l’Institut d’Estudis Occitans, David Grosclaude, de Joan Thomàs, del Partit Occitan, de l’eurodeputat dels Verds, José Bové, e del president de la Bressola, Joan Pere Le Bihan.

Enllaços
France Press: Des milliers de manifestants à Carcassonne pour la défense de l’occitan | Sud Ouest: Les Occitans en veulent plus | La Depeche: “Nicolau”, entends-tu la voix du peuple occitan?.
Notícies anteriors de VilaWeb: Los defensors de la lenga d’òc s’amassan uèi a Carcassona | Manifestació multitudinària a favor de l’occità a Carcassona.