Ús de cookies

Aquest web utilitza 'galetes' per millorar l'experiència de navegació. Si continueu navegant entenem que les accepteu. Més informació


Notícies

Divendres  06.04.2012  06:00

L'occitan, lenga oficiala de l'Euroregion Pirenèus-Mediterranèa

Antònia Sabartés, secretària generala de l'organisme, o a anonciat a Jornalet

Men?ame
 

Antònia Sabartés, secretària generala de l'Euroregion Pirenèus Mediterranèa, ven de manifestar que las quatre regions que ne fan partida (Catalonha, Isclas Balearas, Lengadòc-Rosselhon e Miègjorn-Pirenèus) sont decididas a ne reformar los estatuts per i ajustar l'occitan a títol de lenga oficiala, parièrament al catalan, l'espanhòl e lo francés. Atal a respondut Sabartés a Jornalet, lo periodic digital que ven d'aparèisser, a prepaus d'una question sus una ofèrta de trabalh, que n’es un requesit un nivèl avançat de catalan, d'espanhòl e de francés, e mai d’anglés, mas pas d’occitan. Sabartés s’es engatjada, pr’aquò, a far, tanben, de l’occitan un requesit en las contractacions de l'Euroregion. En plus, a remarcat que actualament los ciutadans podon s’adreçar a l’Euroregion en occitan sens cap de problèma.

Sabartés a manifestat, de mai, a Jornalet que l'oeb de l'Euroregion serà revirat a l'occitan, de faiçon qu'i aurà, al costat de las versions catalana, espanhòla e francesa, una version occitana.