12.05.2001 - 07:00
Claude allegre, en bon jacobin, tira sus tot çò que bolega los esperit al entorn d’una dignitat de las lengas. Recentament aviá protestat contra las mesuras de Jack Lang per las lengas de França. VilaWeb publica uèi una responsa d’una regenta de Diwan : « Responsa a M. Allègre… Coma tot bon scientific M. Allègre devriá verificar çò que afirma. Verificar, par exemple, quinas son los estudis seguits per los estudiants Diwan : de las grandas escòlas, de las universitats o de las filiaras cortas per anar a las cadèiras diversas e variadas. Verificar lo nivèl d’anglés dels collegians de Diwan que, trè la tresena, emplegan l’anglés coma lenga d’ensenhament (d’uens cors, generalament de sciéncias, son donat en anglés). Soèti que M. Allègre me diguèsse dins quin collègi de França la premèira lenga vivanta es aital emplegada coma lenga veïculara ! E vòli pas dire de mal de l’ensenhament dels professors d’anglés : fan amb los mejans que lor dona! Que M. Allègre venguèsse pas me respondre que aiçò es degut al fait que Diwan seriá una escòla elitista e que los dròlles (tots de familhas borgesas) benefisquèssan de cors particulars en defòra de l’escòla : es faus ! Diwan acuelha los dròlles venents de tot mitan » …. coma la farlabica d’Alegre èra completa, se aprla de la lenga-diu, lo francés e vaquí la crida de la regenta : « Quant al nivèl de francés, que M. Allègre se rassegura : los tests de l’« Education Nationale » ( NDLR, coma se n’aviá besonh … ] de CE2 e de 6èna on probat dempuèi una passa que los dròlles de Diwan parlan e escrivon autanplan ben que los dròlle d’una escòla monolingüa. Que M. Allègre s’inquietèsse donc pas : los dròlles de Diwan faràn de bons informaticians parfaitament trilingües. Ara, se vòlon devenir pastre … que i a pas de mesteiral piòt. Jocelyne Ravet, regenta de l’escòle Diwan de Lannion » E se vòl devenir ministre en plaça d’Allégre, serà segurament mai eficaç e autanplan informats !
