23.04.2001 - 15:00
Aquela peticion es lançada a l’escasença de la manifestacion del 28 d’abrièu 15 òras a la Hauta Planta a Pau ; es lançada e organizada per lo Corrent Revolucionari Occitan. « – L’occitan qu’ei oficiau en las valadas occitanas de l’Estat italian utanplan coma en la val d’Aran en l’Estat espanhòu – en Bretanha, Corsega, Euzkadi eca … la senhalizacion qu’ei pertot presenta – l’annada 2001 qu’ei l’annada europèa de las lengas minorizadas – lo nombre d’occitanofònes qu’ei estimat enter 3 e 5 milions de personas – monde de mei en mei numerós, sustot joens, que s’tornan apropriar la lenga – l’occitan coma totas las lengas qu’a besonh mejans tà víver e que’us deu obtiéner. Los signatiris d’aquesta peticion que demandan aus responsables politics ( maires, conselhèirs municipals, geenrais, regionaus, deputats, senators, a l’estat ) de har lo lor dever tà la sinhalizacion en occitan e sia hicada en plaça : noms de vila e vilatges, de carrèras, senhalisacion rotèira comunau, departamentau, regionau e nacionau, autovias, senhalizacion dens las administracions, musèus, universitats … Aquesta senhaletica qu’a de’s har en grafia ensenhada en las escòlas primàrias, collègis, licèus, universitats. » Que podèm apondre de mai, VilaWeb Occitània signarà la peticion, e demanda als internautes de VilaWeb de far tot parier en mandar messatge en díder ” signi la peticion per la signaletica en lenga occitana “. Amai, demandèm a tots los internautes de far passar lo messatge que la peticion es de signar sus VilaWeb Occitània. Tota signatura serà importanta.